1220
Загарай аймагай Асагад һууринда «Алас Дурнын гектар» гэһэн программаар Эржэна Серебренникова газар абаба. Гурбан хүбүүтэй, Улаан-Үдын ажаһуудаг гэр бүлэ огородой эдеэ ургуулха түсэбтэй. Тиихэдэ гэр бариха үшөө хоёр гектар газар абахаар хараална.
- Гурбан хүбүүтэй байхаадаа, эдэм хаана ажаһуухаб, ямар ажал хэхэб гэжэ һанаата болонош. Ойлгоогүй байхада, үхибүүд гэр бүлэтэй болохо. Саашанхииень хараалжа, газар абаабди. Мүнөө 4-дэхи үхибүүтэй болохобди, - гэжэ Эржена Серебренникова.
2019 оной августын 1-һээ Буряад Улас болон Үбэр Байгалай хизаарта «Алас Дурнын гектар» гэһэн программада эдэ можо нютагуудта ажаһуудаг зон хабаадажа эхилээ. Тиихэжэ Буряад Уласта газар абаха тухай 1,7 мянганһаа дээшэ мэдүүлгэнүүд оронхой.
