​Зоной зол жаргалай аша туһада

Агын тойрогой Шандали нютагай зон шүтэдэг хоёр уулатай, тахидаг табан обоотой юм. Манай нютагайхид хоёр үндэр ууладаа – Баруун үндэр баабай­даа (Даша-Дондог, 1154 метр үндэртэй), Зүүн үндэр эмгэйдээ (Һашан-Гасал, 1107 м) ходо мүргэжэ, тахижа байдаг юм. Хоорондохи Зүрхэн хадань мүн лэ ехэ мүргэлтэй, тахилгатай гээшэ. Нюта­гаймнай табан голдо тахидаг обоонууд байһан: Хүлэрэгтэдэ - Үлзытын, Шанда­лида - Дулаан хадын ба Сагаан хадын Тэбсэгэй, Адагалигта - хоёр Үндэрэй, Жэбхээһэндэ - Шандантын, Хужартайда Хужартайн булаг шадархи Лусадай обо­онууд болоно. Манай Шандали нютагай Хужартайн дасанһаа ламанарые зала­жа, тахюулдаг байһан гэхэ. 1930 гаран онуудай сэмүүн сагта Хужартайн дасан һандаргагдаһан байгаа.
Манай Шандали нютагһаа Буддын шажанай ехэ эрдэм номтой, дээдэ зиндаатай, гайхамшаг санаартай 50 гаран ламанар ургажа гараһан алдартай. Эдэмнай нютагайнгаа алдар нэрэ үргэжэ, суурхуулжа ябаал даа. Эдэмнай хэд бэ гэбэл, иимэ байна:

- Долгиин Сультимжамса – гэгээн, Золтын Хаймчиг – һаарамба, Бадмын Дамби – доором­бо, Мамба дасанай шэрээтэ, Дүүдэйн Балдан-Самбу – дооромбо, Гомбын Жамбалдоржо-габ­жа, Агын дасанай шэрээтэ, Буддын шажантанай ХIX Хамба-лама, Дагбын Галдан-габжа, Агын дасанай шэрээтэ, Галданай Галсан-Шойдог-габжа, Агын дасанай шэрээтэ, Жамсаранай Балдан-габжа, Агын дасанай гэсхы, Бадмын Жалсан – Хужартайн дасанай шэрээтэ, габжа ламанар: Жабай Нима, Гомбожабай Гончик, Намжилай Шойён, Сундаряанай Да-үзэлшэн, ерээдүй сагые Молон багшаһаа доошо бэшээр айлдадаг байһан ехэ номтой лама, Сэдэнэй Аняа – алдар солодо гараһан лама гэхэ мэтэ. Мүнөө Агын дасанай шэрээтэ – рабжамба Цы­бигэй Бадма ламхай.

Манай нютагта үндэр зиндаатай бөөнэр, удаганар байһан, мүнөөшье бии.

Иимэ олон үндэр зиндаатай лама санаартад­тай байһан нютагта ехэ дасанай – Хужартайн дасанай һэргээгдээгүйшье һаань, Согшон ду­ганай Шандалиин түб һууринда баригдаһаар 10 жэл үнгэршэбэ. Ушар иимэһээ нютагайнгаа дуганиие һэльбэн шэнэдхэлгын, үргэдхэлгын, оршон тойронхииень болбосон түхэлтэй бол­голгын, хашаа хорёоень шудхагдаһан сар­дамал түмэрөөр урлажа бүтээлгын жасада буян үйлэдэлгын хандиб үргэхэ гуйлтатайгаар Улаан-Үдэ хотодо ажаһуудаг нютагайхидтаа ханданабди. Нютагайнгаа улад зоной зол жар­галай аша туһада, элүүр энхэ, амгалан тайбан, эбтэй эетэй ажаһуудалай аша туһада өөһэд өөһэдынгөө хубита оруулһанайтнай түлөө та­анадта бултандатнай баяр хүргэнэбди! Ум маа ни бад мэ хум.

ЭМХИДХЭЛЭЙ ХОРООН.

Иимэ хаяг дансаар хандиб үргэжэ болоно:

Сбербанк 63900274 9002686405.

Шандали нютагай шажанай эблэлэй тол­гойлогшо Нагмитов Доржо Нагмито­вичта иимэ утаһаар хонходохо аргатайт: 89145259454.