708
“Россиин бүлэ” гэһэн уласхоорондын конгресс
Т ээмэндэ Улаан-Үдэ хотодомнай “Россиин бүлэ” гэһэн уласхоорондын конгресс гурбан үдэрэй туршада эмхидхэгдэжэ, һүүлшын үдэрынь Прибайкалиин аймагай Гремячинск тосхондо “Байкальская ривьера” гэһэн газарта конгресстэ хабаадагшад амараа, сэнгээ.
Тиихэдэ эндэ багшанарые бэлдэдэг курсын бэлигтэй багша, психолог Валентина Николаевна Сенгеевагай үнгэргэһэн тренинг олоной һонирхол татаһан байна. Эрэ хүнэй, эсэгэ хүнэй үүргэ, эхэ хүнэй уялга үргэхэ тухай ехэ һонин хөөрэлдөө үүсхэһэн багшын асуудалнуудта эндэ сугларагшад харюусаһан, олон асуудалнуудые табиһан юм. Энэ гүн удхатай хуралдаанда 6 гүрэнэй, 19 регионой эрдэмтэд, багшанар, психотерапевтнүүд, бусад мэргэжэлтэд сугларжа, Россиин гэр бүлын асуудалнуудаар зүбшэн хэлсэһэн байна. Һуралсалай болон эрдэмэй министрэй орлогшо Баир Ангуров холын айлшадта бэлэг сэлэгүүдые барюулба.
Холоһоо ерэһэн айлшадта буряад дуунуудаа, хатарнуудаа, һайхан аялга хүгжэмөө “Байгал” театрай бэрхэ артистнууд Б.Баттүбшин, Б. Донара, хатаршад, армян дуушан Валико Гаспарян (тэрээнтэй хамта Арме- ниин Лусине Ханданян хатарба), Эржена Жамьянова болон бусад артистнууд бэлэглэһэн юм.Саха (Яхад) Республикаһаа ерэһэн гоё яхад хубсаһа, зүүдхэлтэй Мария Николаева, Нюрбинскэ аймагай гулваагай орлогшо Самангади Дондокова гэгшэд баяраа мэдүүлбэ. Беларусиин университедэй доцент Анжелика Садовская, Хитадай Пекинэй университедэй багша Юй Янг, Киргизстанай Аниса Бикбулатова, Тывагай Комбу Алена, Ховалыг Николай гэгшэд Буряад Республикада ажаһуудаг арадуудай нүхэсэлые үндэрөөр сэгнэбэ, конгрессэй хүдэлмэриин һайн тала тухай хэлэбэ. Һүүлшын үдэшын найрые үндэр хэмжээндэ Наян Сагаев үнгэргэһэн байна.
Бэлигма ОРБОДОЕВА.
