​Уранаар бэшэжэ һурая

Арбан нэгэдэхи һарын хорин долоонһоо эхилжэ, һарын туршада, арбан хоёрдохи һарын хорин долоон болотор “Орда” этно-галерейдэ монгол бэшэгэй ба уран бэшэлгын хэшээлнүүдые Монголой суута Дагвын Ганбаатар зааха.

Энэ багша Монголдоо ехэ хүндэтэй хүн. “Бичиг соёл” гэһэн Монголой уран бэшэгшэдэй бүлгэмэй түрүүлэгшэ, уран бэшэлгын уласхоорондын урилдаануудые илагша, “Алтан Гадаһан” медаляар шагнагдаһан Ганбаатар багшын нэрэ зондо мэдээжэ болонхой. Эндэ хэһэн ажалынь үрэ дүнтэй байхын түлөө, Буряадта уран бэшэлгэдэ һургахын тула һурагшадые дүрбэн бүлэг тээшэнь хубаахада, амар байха гэжэ хэлэнэ. Нэн түрүүн - эршэм (үдэр бүхэн хэшээлдэ орохо), удаань - үндэһэ һуури шудалалга (гарагта хоёр хэшээл), гурбадугаар - мастер-класс (нэгэ дахин), дүрбэдэхи бүлэг - хүүгэдэй. Хайшан гээд зүбөөр һуужа бэшэхэб, яагаад гуурһаяа эүбөөр барихаб гэхэ мэтэһээ хэшээлээ эхилнэ.

Ганбаатар багша Монголһоо ерэхэдээ, өөрынгөө һурагшадай ажалнуудые харуулха гэжэ асараа юм. Тэрэнь ямар ажалнууд бэ гэхэдэ, “Монголой нюуса тобшые” монгол уран бэшэлгээр бэшэһэн (зураг дээрэ), хэдэн үдэрэй туршада бүтээгдэһэн сэнтэй ажал. Энэ һонин бүтээлые “Орда” ерэжэ, харахада болоно.

Лубсан Бальжуровай фото-зураг