537
Буряад Уласһаамүнөө Оросой Холбоото Уласай парламентын депутадай үүргэ дүүргэгшэ, олзын хэрэгэр хилэгшэ, эрдэмтэн, ниитын ажал ябуулагша Михаил Слипенчук алишье талаараа арад зондо тон ехэ аша туһатай ажал ябуулнал даа.
Ургалта дэбжэлтын эзэн
Алба татабариһаа сүлөө офшор оронуудай банкнуудта хуби мүнгэеэ
Слипенчук хадагалдаг гэһэн мэдээн энэ хабар, “Единая Россия” намын
уридшалагдаһан һунгалтын үедэ, сонин хэрэгсэлнүүдтэ тараһан байгаа.
Гүрэнэй Дүүмын депутат М. Слипенчук энэ ушараар иигэжэ баталһан байна:
“Хуулинуудые баримталан хүндэлдэг Орос Уласай эрхэтэнби гэжэ албанай ёһоор мэдүүлнэб”. Оросой Холбоото Уласай хилэһээ гадуурхи хариин банкнуудта мүнгэ зөөри хадагалхые, тэндэ хубиин мүнгэнэй дугаарнуудтай байхые зарим бүлэг зондо хоримжолһон 2013 оной майн 7-ной Федеральна Хуулиин хүсэндөө ороһон сагһаа “минии нэрэ дээрэ бүридхэлдэ абтаһан хариин компанинууд худалдагдаһан гү, али усадхагдаһан, хариин банкнуудта байһан минии дугаарнууд хаагдаһан, мүнгэ зөөринь Орос орондо шэлжүүлэгдэһэн” гэжэ хэлээд, эдэ бүгэдэ зохихо тус тус үнэмшэлгэ дэбтэрнүүдээр баримталагдадаг, тиин “эдэ баримтануудые элирхэйлхээр бэлэнби” гэжэ мэдүүлээ һэн.
Теэд зүбөө баримталха сагай богони тула М. Слипенчук “Единая
Россия” намын уридшалагдаһан һунгалтада табигдаһан дансаһаа өөрыгөө хуряагаа һэн. Дашарамдуулан хэлэхэдэ, һунгалтын урда тээ иимэрхүү хуурмаг мэдээнүүд, бороогой һүүлээр бултайдаг һархяагуудтал, али олон ниитэлэгдэдэг ааб даа.
Олзын хэрэг сүлөөтэйдөө эрхим
Гэбэшье Буряад Уласые Гүрэнэй Дүүмэдэ мүнөө түлөөлжэ байдаг
депутат шэнээр байгуулагдаһан РОСТА (Ургалта) намһаа Гүрэнэй Дүүмын
һунгалтада гарахань гэһэн мэдээн федеральна “Газета. Ру” сониндо
уданшьегүй тунхаглагдаа һэн. Энэ мэдээниие РОСТА намын орлогшо дарга Татьяна Марченко мүн дабтажа баталаа. “РОСТА нам мүнөө үень тон лэ ерээдүй ехэтэй намуудай нэгэн, - гэжэ өөрөө депутат тоолоно. – Имагтал олзын хэрэг эрхилхэ болоод, дундуур анги хүгжөөхэдэ таатай оршониие хангаха ябадал Орос орониие абарха аргатай”.
РОСТА нам тухай богонёор тодорхойлхо хэрэгтэй. Партия РОСТА
гэхэдээ, Ургалтын нам гэнэ ха юм даа. Энэ нам болбол урдань либеральна шэглэлтэй “Правое дело” намын үндэһэ һуури дээрэ шэнээр эмхидхэгдэһэн улас түрын эмхи болоно. Тэрэнэй хүтэлбэридэ “Деловая Россия” хүдэлөөнэй түрүү Борис Титов, “Союз правых сил” хүдэлөөнэй түрүү Леонид Гозман, Орос Уласай эдэй засагай сайд Андрей Нечаев, “Евросеть” компаниин эзэн Евгений Чичваркин мэтын политигууд ородог байгаа. 2011 ондо ойро зуура миллиардер Михаил Прохоров “Правое дело” намые хүтэлбэрилжэ туршаад, хахарал бутарал үүсхэһэнэй эсэстэ гаража ошоо һэн.
Теэд яагаашье һаа, либеральна шэглэл улас түрын оршондо байха зэргэтэй ха юм. Иимэ хараа бодомжо баримталан, байгша оной февралиин 29-дэ “Правое дело” намын орондо РОСТА нам байгуулагдажа, тэрэнэй түрүүлэгшээр либералшье һаа,
ороной ниигэм олоной дунда нилээд хүндэтэй, улас түрын оршондо нилээд шэгнүүртэй бизнес-омбудсмен (олзын хэрэг эрхилэгшэдэй эрхэнүүдые хамгаалагша) Борис Титов һунгагдаа һэн.
“Ургалтын эдэй засаг” (“Экономика роста”) гэһэн гаршагтай Намын программые өөрөө Борис Титов Орос Уласай Президентын зүблэгшэ академик Сергей Глазьевтай хамта зохёогоо юм. Намын тусхай зүблэлдэ Ирина Хакамада, Сергей Станкевич, Леонид Ярмольник мэтын мэдээжэ хүнүүд оронхой.
Шэнэ намын үнэтэй ололто
Иимэ намын зэргэдэ Михаил Слипенчугай жагсаһаниинь хуулита. Энэхүмнай Орос Уласай мүнгэ һомололгын эгээл томо компанинуудай нэгэнболодог “Метрополь” гэгшые байгуулһан ха юм. Политолог КонстантинКалачёвой хэлэһээр, Слипенчук тус намын үнэтэй ололто мүн. Баян аад,дээгүүр һанал зоригтой энэ хүн һунгалтын үедэ Холбоото Уласай хэмжээндэ намын ябуулха ойлгууламжын хүдэлмэриин тэдхэгшэ болохо аргатай. Ондоо хаана энэ хүндэ таатай һуури байба гээшэб? Имагтал РОСТА намда юм бэд даа.
Буряадаа орхихо һанал байхагүй
Гэхэ зуура Буряад Уласые Гүрэнэй Дүүмэдэ мүнөө түлөөлжэ байдаг
депутат, бизнесмен манай нютагые балай орхихо һанал огтошье үүсхэнэгүй.
Арбаад жэлэй үмэнэ “Метрополь” компаниин түрүүлэгшэ Слипенчук үнэхаялсалгын наймаанда Буряадай хэдэн үнэтэ хэбтэшэнүүдые худалдажаабаһан байна. Тэдэнээ юундэ мүртэй ашагладаггүй юм гэжэ зариманбуруушаадаг. Теэд ашаглахадаа, продукцияа хайшань худалдахые һайсабодожо үзэхэ хэрэгтэй.
Жэшээнь, Хэжэнгэдэхи бериллиин хэбтэшэ 40-өөд
жэлэй саана дэлхэй дээрэ эгээл томо аад, замбуулинай онгосо, ракетэ, атомай элшэ хүсэнэй түхеэрэлгэ гэхэ зэргын зүйл бүтээдэг үйлэдбэринүүдтэ үргэнөөр хэрэглэгдэдэг металлай хэбтэшэ мүнөөшье тэрэ зандаа.
Теэд дэлхэйн ондоо оронуудта энэ металлай хэбтэшэнүүдэй олдошоходо, манай берилли яагаад, хайшань худалдаха асуудал бодожо ерэнэ. Үнэ сэнгэй талааршье манайхин гаргаша ехэтэй аад, орошонь бага байхаар багсаагдана. Иимэ эрхэ байдалда ямаршье бизнесмен орошо-гарасаяа һайса тэнсэлдүүлхэ, бүри ашаг олзо хүлеэхэ жэшээтэй ха юм. Михаил Слипенчукмүн лэ иимэ хараа бодолтой.
Тиигээд ерэхэдэнь, манай депутат мүнгэеэ (2015 оной декларацяар, 868
млн. түх.) хэдэ хэдэн һалбари, үйлэдбэринүүдтэ хубаарилан һомолжо,
юрэнхы дээрээ олзоёо арьбажуулһаар. Имагтал М. Слипенчук хуушаржа
һандархаяа байһан Улаан-Үдын аэропортые Австриин компаниһаа худалдажаабаад, эндэ горитой хэмжээнэй шэнэдхэн һэльбэхэ хүдэлмэри ябуулхын мүнгэһомолһоной ашаар мүнөө манай аэропорт уласхоорондын удха шанартайболонхой.
Алдарта далайе хамгаалагша
Тэрэшэлэн аяншалгын тусхай “Байкальская гавань” зонын түрүүшынээлжээнэй хэдэн объектнүүдтэ 2012 он хүрэтэр тэрэнэй һомолһон мүнгэнүрэеэ мүн лэ харуулжа байнхай. Баригдажа ашаглагдаа гэбэл, отель“Лукоморье”, гостиницануудай комплекс “Байкальская ривьера”, теплоход“Атлант”, аяншалагшадые зөөдэг МИ-8 түхэлэй вертолёт гэхэ мэтэ.
Байгал тушаа тэрэ гансал мүнгэ һомологшын эрхээр бэшэ, харин ОросУласай 6-дахи зарлалай Гүрэнэй Дүүмын депутадай уялгаар анхаралаа хандуулдаггээшэ бэзэ. Байгаалиин нөөсэ ашаглалгын, экологиин талаар ГүрэнэйДүүмын хорооной түрүүлэгшын орлогшоор, мүн тус хорооной экологиинталаар дээдэ Соведэй түрүүлэгшэнэрэй гэшүүнээр томилогдоо һэн.
М.В.Слипенчук депутадуудай фракцинууд хоорондын «Байгал» бүлэгэй гэшүүн. Жэшээнь,2015 оной март һарада РФ-гэй Засагай газарай №68-р дугаарай захиралтынабтаһанай эсэстэ Байгалай уһа болон загаһа сахилгын бүһэлүүр 500 метрбайһанаа 50-80 километр хүрэтэр үргэдхэгдэжэ, далай шадарай табан аймагтагэршье барижа, бүридхэлдэ оруулхань, ажахын ямаршье ажал ябуулханьхорюултай болошоо хамнай.
Зондо харша энэ захиралта болюулха талаар М.Слипенчук Буряад Уласай, Эрхүүгэй можын нуур шадарай зоноор, нютагай засагай түлөөлэгшэдөөр, мүн Москвада Гүрэнэй Дүүмэдэ, РФ-гэй
Засагай газарта ойлгууламжын, эмхидхэлэй айхабтар ехэ хүдэлмэри ябуулаабэлэй. Тиин Орос Уласай Правительствын Түрүүлэгшэ Д.А.Медведев зоболонто энэ захиралтые болюулха арга боломжохаража үзэхэ даабари РФ-гэй Байгаалиин нөөсэнүүдэй яаманда үгөө һэн.
Манай депутат Байгал шадарай байгаалиин дэбисхэрэй талаар хуулинуудта хубилалтануудые оруулха тухай түлэб бэлдэхэ хүдэлмэрилгын бүлэгые ударидагшаар томилогдоо һэн. Гэбэшье зондо харша хуули хүсэндөө байһаар.
Тиимэһээ баатар хүсэтэй депутат тэрэниие болюулха тэмсэлээ үргэлжэлүүлһээр. Нэгэ захадань гарахал байха гэжэ найдахаар.
Буянта сэдьхэл
Юрэнхыдөө, депутат, бизнесмен М.Слипенчугай үүсхэжэ бэелүүлһэн
хэрэгүүдые сониной нюурнуудта дууһан тооложо барашагүй. Хуули буса
барилга гэжэ гэмнэгдээд, гэр байраяа алдахаяа байһан, Улаан-Үдын хэрзэгыхойрог тушаалтадта баһуулһан хэды олон айлнуудта тодорхой туһа хүргөө гээшэб!
Һүүлшын хэдэн жэлэй туршада М.Слипенчук Буряад Уласта буянай
хэрэгтэ эгээл ехэ хандиб оруулагша гэһэн нэрэ зэргэдэ хүртэхэл ёһоороо
хүртэнэ. Хамба лама Дамба Аюшеевэй хандалгаар «Социальна отара» гэһэнтүлэбые Яруунын, Хэжэнгын аймагуудта бэелүүлгэдэ дэмжэлгэ үзүүлээ. 2013ондо 1000 толгой бүүбэй хони худалдажа абалгада депутат 5,5 млн. түхэригОрос Уласай Сангхада дамжуулаа юм. Энэ мүнгөөр абтаһан хонидые залуубүлэнэртэ үгэхэдэнь, эдэ хонидһоо абтаһан хурьгадынь эдэ залуушуулайзөөри боложо үлэдэг юм.
Байгша оной май соо Буряадта айлшалхадаа, Михаил Слипенчугай эсэгэ, уран зохёолшо Виктор Трифонович Слипенчук анхан мэргэжэлээрээ зоотехник тула “Социальна отара” гэһэн Хамба лама Дамба Аюшеевэй түлэбые онсо һонирхоһон, һайшааһан байна. Депутадай эсэгэтэй уулзахадаа, тэрэнэй “Чингис хаан” гэһэн поэмэ бэшэһээрнь Хамба лама ехэтэ һонирхоһон байгаа. Энэ ушар дээрэһээ бодоходо, өөрынгөө баян зөөри хүрэнгэһөө зоноор хубаалдаха, арадай үндэһэн хэлэ, соёлые дэмжэхэ гэһэн һайхан буянта хүсэлые депутат дэлгэр сэдьхэлтэй өөрынгөө абаһаа удхалан абаһаниинь дамжаггүй.
Улаан-Үдын Борсоевой гудамжаар ябаһан зон “Метрополь” компаниин
бизнес-түбэй нюур талада мори унанхай зогсодог, “Мэргэн баатар” гэжэ
нэрэ гаршагтай, монгол баатарай хуяг дуулга үмдэһэн, зэдээр шудхагдаһаншиираг хоёр баатарые хараад, ехэл гайхадаг даа.
Баруун гараа Илья Муромецтал һарабшалаад, жолоогоо найдамтайгаар бажуугшань өөрөө Михаил Слипенчук мүн болоно. Зүүн гарайхинь-тэрэнэй үнэн туһалагшаБаир Цыренов мүн. Михаил Викторович Слипенчук хаһатай элбэг бэеэрээОросой алдарта баатарһаа огтошье дутуу бэшэл даа.
Сэлдеэ Сибириин элдин һайхан Алтай нютагта 1965 ондо түрэһэн аад, һаяханал 50 наһа алхажа гараһан, арадай найдамтай тулга болоһон энэ хүн Буряад Уласые 7-дохи зарлалай Гүрэнэй Дүүмэдэ найдамтайгаар түлөөлхэнь дамжаггүй.
Зураг дээрэ:Михаил Викторович буряад арадай ёһо заншалнуудые хүндэлдэг юм.
