​Үншэн хэнзэ үхибүүд байха ёһогүй

Хэзээ нэгэтэ буряад зон үншэн хэнзэгүй арад гэжэ дэлхэй дүүрэн суурхадаг бэлэй. Харин мүнөө үншэн хүүгэдэй байшангуудта буряад яһатан үхибүүд олон болоһониинь уйдхартай.

Мүнөө Улаан-Үдын үншэн хэнзэ хүүгэдэй байшан соо гурбан буряад басагахан ажаһууна. Иишээ үхибүүд элдэб шалтагаанаар ородог ааб даа. Магад, манай Буряад дайдада нигүүлэсхы нимгэн сэдьхэлтэй зон олдожо, эдэ үхибүүдые үргэжэ абажа магад. Тиимэһээ, танилсагты.

Намжилма 2001 ондо апрель һарада түрэһэн. Һайхан сэдьхэлтэй, хүн зондо туһалхал гэжэ оролдодог, гэрэй ажалда ехэ бэрхэ, амитадые тэжээхэ, ажаллаха ехэ дуратай юм. Буряадаар ехэ бэрхээр дуугардаг, дуу, хатарта абьяас бэлигтэй.

Автор: Цырегма Сампилова
Описание: Намжилма, апрель 2001

Мэдэгма, 2002 оной июнь һарада түрэһэн. Һайхан, нимгэн сэдьхэлтэй, ном уншаха дуратай, тамираар ехэ бэеэ һорихо, сэсэг ургуулха дуратай. Тон ехээр өөрын гэр бүлөөрөө ажаһуухаяа хүсэнэ.

Автор: Цырегма Сампилова
Описание: Мэдэгма, июнь 2002

Зоригма, 2005 оной июль һарада түрэһэн. Угаа һайхан, яларма хөөрхэн басагахан. Бүхы гайхамшаг юумээр һонирходог, элдэб кружогуудта ябадаг, бүхы багшанарай найдал, һургуулидаа ганса “4-5 “сэгнэлтэ абадаг, тамираар бэеэ һоридог. Ёһотойл дангина хадаа, хүн зоной анхаралда ехэ дуратай юм.

Автор: Цырегма Сампилова
Описание: Зоригма, июль 2005

Иимэ һайхан гурбан дангинар ажаһуудалай хүшэр байдалда ороод байна. Эдээниие үргэжэ абаха зон байбал, 8(3012) 44-75-84 гэһэн утаһаар хонходогты!