​Улаан Хадын аршаан уушханда туһатай

Нютаг бүхэндэ эм домто аршаанта газарнууд олон байдаг. Зунай амаралтануудай үедэ Бэшүүрэй аймагай Шэбэртэ нютаг айлшалааб. “Ая-гангын орон” ходол ажалаараа үдэрэй туршада ерээд лэ ошоходоо, энэ нютагай үзэмжэ һайхан байгаалитай хүсэд танилсангүй бусаһандаа досоомни дутуу байгаа. Одоо сүлөөтэй боложо, Шэбэртэ нютаг ерээд, оршон тойронхи газарта ябагаар ябажа, сэнгэбэб.

Нэн түрүүн амтан һайхан уһатай Улаан Хадын аршаан хүрэбэбди. Энэ аршаан нютагай бэрхэшүүл арилгажа, сэбэрлэжэ, хорёолонхой, жэл бүри Улаан Хадынгаа обоо тахижа, энэ аршаанайнгаа дэргэдэ наада дэлгэдэг юм байна. Үшөө һонин юумэн гэхэдэ, энэ аршаанай хажуудахана, моро-монсогор шулуун табяатай. Энэ шулуун аршаанта уһанда мүлигдэжэ, он жэлнүүдэй үнгэрхэ бүри, мэли мэлигэр боложо, иимэ һонин түхэлтэй болошоо хаш. Ород арадай “Уһан шулуу бүлюудэдэг” - (“вода камень точит”) гэһэн сэсэн үгэ энэ зүйл гэршэлнэл хаш.

Автор: Цырегма Сампилова
Описание: Иимэ гайхамшаг шулуун байба

Энэ Улаан Хадын үзэлтэй мүргэлтэй дайдын түүхэ, энэ аршаан тухай мэдээсэлнүүдые нютагайхидһаа һурагшалхада, хэншье мэдэнэгүй. Харин нүхэр басаганайм хэлэһээр, энэ Улаан Хадын аршаан уушханай үбшэнһөө аргалдаг, уушха сэбэрлэдэг эм домтой юм.

Нютаг нугынгаа аршаанта, домог түүхэтэ газарнуудаа шэнжэлжэ, дээдэ үеын нютагайхидһаа асуужа, мэдэжэ, бүгэдэндэ дуулгажа байял даа!