​Буряадаар бэшэжэ туршая!

Буряад хэлэ хүгжөөлгын Буряад Уласай гүрэнэй программын шугамаар Улаан-Үдэ хотын захиргаан хотын Исай Калашниковай нэрэмжэтэ номой сантай суг хамта заншалта болоһон “Эрхим диктант”, “Эрхим изложени” гэһэн хэмжээ ябуулгануудые эмхидхэнэ.

“Эрхим диктант” гэһэн бэшэлгэн Буряадай элитэ уран зохёолшо Жамсо Тумунович Тумуновай (1916-1955) 100 жэлэй ойн баярта зорюулагдаха. Энэ октябриин 6-най үдэр Исай Калашниковай нэрэмжэтэ хотын номой санда болон 12-дохи номой сангай филиалда үнгэргэгдэхэ.

Харин “Эрхим изложени” бэшэлгэ мэдээжэ прозаик, драматург Доржо Осорович Эрдынеевэй 80 наһанайнь ойн баярта зорюулагдаха. Энэ хэмжээн октябриин 26-да дээрэ нэрлэгдэһэн эмхинүүдтэ үнгэрхэ.

Тус хэмжээ ябуулгануудта буряад хэлэнэй мэргэжэлтэ бэшэ 18 наһанһаа дээшэ хүн зон хабаадаха аргатай.