877
Ородой, Монголой болон Хитадай эрдэмтэд Улаан-Үдэдэ сугларжа, Ази түбиин дэбисхэрые хүгжөөхэ асуудалнуудые хэлсэнэ. Манай ниислэлдэ үнгэргэгдэжэ байгаа географуудай уласхоорондын хуралдаанда Азида оршодог гүрэнүүд хоорондохи харилсаагаа улам бэхижүүлхэ, худалдаа-андалдаанай хэрэгүүдээ эршэмдүүлхэ тухай хэлсэнэ.
Россиин зүүн тала хадаа уласхоорондын «Торгон зам», «Сайн зам» гэhэн ехэ проектнуудта хабаадажа, байдалаа hэргээхэ аргатай. Буряадай эрдэмтэн, географиин эрдэмэй доктор, Федерациин Соведэй гэшүүн Арнольд Тулохоновой hанамжаар, Россин засаг Алас Дурна, Сибирь руугаа мүнгэ шэглүүлхэ ёhотой. Тиигээл hаа, эндэхи регионууд, бүхыдөө Росси гүрэн шадалтай, баян болохо.“Мүнөө Алас Дурна зүг уридшалагдаhан хүгжэлтын дэбисхэр гээд тодорхойлогдожо, холын хараатай хэдэн проектнууд бэелүүлэгдэжэ эхилээ. ТеэдБуряадоронюугээрээдутааб? Бэеэдаажашададаггүй, тулюурулас гүүлэжэ ходобайнгүй, экономикоёо хүгжөөхээрилтэнүүдыеэндээбайгуулхашухала”, - гэжэ сенатор тэмдэглэбэ.
Хитадай эрдэмтэн, профессор Дун Суочен элидхэхэдээ, эндэ нараhалхинай элшэ хүсэ хэрэглэжэ, байгаали хамгаалха удхатай проектнуудые бэелүүлбэл, ехэ зохид байгаа гэжэ онсолоо. Сэбэр агаар, сэбэр уhан–амин шухала гэжэ тэрэ тэмдэглээ.
Дарима ДОНДОКОВА, “Буряад Үнэн” мэдээсэлэй агентство
