​ТАНЯ БАСАГАНДА ТУҺАЛАЯ

Табатайхан Таня Будаевада үзэгдѳѳгүй хоморой үбшэн хүрэжэ, тэрэнииень аргалха мүнгэн хэрэгтэй.

Бишыхан басаган 2013 ондо инсультда нэрбэгдэһэнһээ хойшо, аргын газарнуудаар ото ябаа. Санкт-Петербургын эмшэд “МойяМойя” гэжэ нэрэтэй хоморой үбшэн хүрѳѳ гэжэ тогтоогоо. Иимэ үбшэндэ нэрбэгдэhэн басаган аргын hайгаар бараг болоод, сэсэрлигтэ ябана. Теэд тэрэ үбшэниинь дахин хүрэбэл, ами наhандань аюултай гэжэ гэртэхиниинь мэдэнэ. Тиимэhээ басагаяа эдэгээхэ бүхы аргаа тэдэ бэдэрнэд.

Германиин Цюрих хотодо мэдэгдээгүй энэ үбшэ шэнжэлдэг түб бии юм ха. Тиишэнь абаашажа шалгуулhаниинь, профессор Кан гэгшэ басагаханиие эдэгээхэ орёо операци хэхэбди гэжэ найдуулаа. Теэд тэрэниие хүүлэхын түлөө 8 миллион 700 мянган түхэриг мүнгэн хэрэгтэй. 2017 оной февралиин 10 болотор хэлэгдэһэн мүнгэ суглуулаад байха хэрэгтэй.Энэ мүнгэнэй 3 миллион 500 мянгыень нэгэ буянша хүн хандиблаа.

Буян хэшэгтэй нютагаархиднай, Таня басагандамнай шадал зэргээрээ туhалыт гэжэ гэртэхиниинь хандана. Жаахан Танида туhалха банкын хаяг, хэрэгтэй утаhанууд интернет холбооной социальна бүлэгтэ заагданхай.