​ДУРАСХААЛАЙ ХААЛГА–НОВОСЕЛЕНГИНСКДЭ

Сэлэнгын ябаган сэрэгэй полкын дурасхаалда зорюулагдаһан “Дурасхаалай хаалга хүшөө” Новоселенгинск һууринда нээгдэхэнь.

Байгша оной октябриин 22-то Сэлэнгын ябаган сэрэгэй 41-дэхи полкын 220 жэлэй ойдо дашарамдуулагдаһан хэмжээ ябуулга эндэ түсэблэгдэнхэй. Үнэн алдартанай шажанай Нангин Үргэмжэлгын һүмэдэ ном уншалгын албан үнгэргэдэхэ, түбэй гудамжада баяр ёһололой жагсаал болон марш-парад эмхидхэгдэхэ юм. Новоселенгинск һууринай ажаһуугшадта намарай яармаг дэлгээгдэжэ, баярай концерт харуулагдаха байна. “Дурасхаалай хаалгахүшөөе” нээлгын ёһолол һайндэрэй гол хэмжээ ябуулгань болохо.