959
Жэл бүри Буряадаймнай бүлэг үхибүүд Москва хотодо үнгэргэгдэдэг Кремлиин ёлкодо уласайнгаа зүгhѳѳ эльгээгдэдэг заншалтай. Энэшье удаа гүрэнэйнгѳѳ гол ёлкодо хабаадаха хүүгэдэй тобьёг бүридхэгдэжэ байна.
Буряадай социальна хамгаалгын яаман хүүгэдые шэлэн абаха талаар конкурс соносхожо, мэдүүлгэ үгэгшэ эдиршүүлэй 14-ниинь Москва ошохоор тодоруулагдаха гуримтай. Заншалта ёhоороо хүнгэлтэнүүдтэ хүртэхэ эрхэтэй 8-тайhаа 13 хүрэтэр наhанай хүүгэд, тэрэ тоодо эрэмдэг бэетэй, үншэн болон гэртэхинэй харууhагүй үлэhэн хүбүүд басагад, мүн тиихэдэ албаяа хааха үедѳѳ наhа бараhан сэрэгшэдэй үхибүүд делегациин бүридэлдэ оруулагдаха гээд мэдээсэгдэбэ.
