​Сэрэгэй нүхэсэлэй сэсэн хөөрэлдөөн

Бүхэроссин ниитын «Сэрэгэй нүхэсэл» гэһэн эмхиин Буряадай таһагай эдэбхи үүсхэлээр хүүгэдые болон залуушуулые Эхэ орондоо дуратайгаар хүмүүжүүлхэ асуудалаар хуралдаан үнгэргэгдэбэ.

Энэ суглаанай хүдэлмэридэ Буряадай Засагай газарай, Арадай Хуралай, дотоодын хэрэгүүдэй яаманай, Россиин оборонын яаманай, аюулгүй байдалай талаар федеральна албанай болон ниитын эмхинүүдэй түлөөлэгшэд хабаадаа. Тиигэжэ залуу үетэниие патриот гуримаар хүмүүжүүлхэ хэрэгтэ ветерануудай болон ниитын эмхинүүдэй үүргэ нүлөө дээшэлүүлхэ талаар хэмжээ ябуулганууд тухай энэ форумой үедэ зүбшэн хэлсэгдэжэ, зарим тэды шиидхэбэринүүд абтаба.