​Хуулиин эрилтэнүүдые ТСЖ-нүүд тэсэхээ болихонь гү?

Гэр байрын эзэдэй нүхэсэлнүүд шэнэ жэлһээ ажаябуулгаяа гүйсэд бэелүүлжэ шадахаяа болижо магад.

Ушар юуб гэхэдэ, иимэ нүхэсэлнүүдэй таби гаран процентэнь «гэр байрын, коммунальна ажахын гүрэнэй мэдээсэлэй системэдэ» бүридхэлдэ абтагдаад байна. 2017 оной январиин нэгэнһээ коммунальна хангалгануудай түлөө бүхы түлбэринүүд нээмэл портал дээрэ үнгэргэгдэжэ эхилхэ хараатай юм. Тиимэһээ гэр байрын-коммунальна ажахын гүрэнэй мэдээсэлэй системэдэ бүридхэлдэ орохо асуудал хурсаар табигдана. Тэрэ тоодо Баунтын, Бэшүүрэй, Зэдын, Ивалгын, Прибайкалиин, Тарбагатайн, Түнхэнэй аймагуудай захиргаанууд энэ талаар хүдэлмэриеэ унжагайруулна гэжэ мэдээсэгдээ.