868
Үншэн үхибүүдые үргэжэ байһан айл бүлэнүүдтэ гүрэнһөө һара бүри тэдхэмжэ түлэгдэдэг гээшэ.
Нэгэ үхибүү абаад хүмүүжүүлһэнэй түлөө 4 мянга 625 түхэриг, хоёр гү, али хоёрһоо олон үхибүү абаһанай түлөө 3 мянга 185 түхэриг түлэгдэнэ. Гурба наһа хүрөөгүй гү, эсвэл эрэмдэг бэетэй үхибүү абагшадта тэдхэмжын хэмжээн 1592 түхэригөөр дээшэлнэ. Федеральна хуулиин ёһоор, эрэмдэг бэетэй үхибүү хүмүүжүүлжэ байһан гэр бүлын коммунальна хангалтануудай түлөө түлбэриин 50 хубинь хүнгэдхэгдэнэ. Харин модон гэртэ ажаһуудаг зоной түлеэ залһанай хахад гаргашань бусаагдана.
Автор: Дарима ДОНДОКОВА
