655
Уласай соелой һалбариин эмхи зургаануудай гаргашануудые доошолуулха тухай хөөрэлдөөн Арадай Хуралда һаяхана үнгэрөө. Гаргашануудые бага болгохын тула нэн түрүүн артистнуудайнгаа тоо үсөөрүүлхэ болонобди гээд, театрнуудай түлөөлэгшэд тэмдэглээ. Хүүхэлдэйн «Үльгэр» театрай захирал Баярма Дашидоржиевагай дуулгаһаар, манай театр жэлэй туршада гансал Улаан-Үдэдэ аяар 300 зүжэг табина. Гадна саг үргэлжэ уласайнгаа хүдөө аймагуудаар гастрольдо гарана, үншэн үхибүүдтэ зүжэгүүдээ түлбэригүйгөөр харуулна. Теэд гүрэнһөө автобус гурбан жэлэй туршада эриһээрбди.
Хүдөө нютагуудаар ябадаг «Үльгэр» театрай байгуулагдаһаар 50 жэлэйнь ойн баярта автобус абажа үгэхэ хэрэгтэй гээд, Арадай Хуралай һунгамал Анатолий Кушнарёв тэмдэглээ. Тиигэжэ бусад һунгамалнууд энэ гуйлта мүн лэ дүүргэхэ гэжэ зүбшөөгөө.
Дарима Дондокова
Фото pixabay.com
