​Холын хүдөө һууринуудта онсо анхарал

Бэлээр хүрэшэгүй холын һуурин нютагуудые онсо байдалай үедэ хамгаалха тобьёгтой тогтоолдо Буряад уласай толгойлогшо гараа табиба.

Харгы муутай, зайн галай хангалтагүй һуурин нютагууд энэ данса дотор тодорхойлогдоо. Тиигэжэ саашадаа эдэ нютагуудай ажаһуугшадые онсо байдалһаа хамгаахын тула хэдэн хэмжээнүүд абтагдаха ёһотой. Нэрлэбэл, зайн галаар хангаха, хэлхеэ холбоо залгаха, онсо байдал тухай мэдээсэл дары түргэн дуулгаха оньһон хэрэгсэнүүдые тодхохо, вертоледуудай бууха талмайнуудые түхеэрхэ гэхэ мэтын ажалнууд хэгдэхээр түсэблэгдэнэ. Энэ тобьёгто Бабантын, Зэдын, Муяын, Ахын болон Сэлэнгын аймагуудай 14 һуурин оруулагдаа. Энэ саарһа данса федеральна хуулиин, Ородой Холбооной Засагай газарай тогтоолой ёһоор бэлдэгдээ.