​Амин шухала эмүүд дуталдана

Буряадай аптекэнүүдтэ амин шухала эм домууд дуталдана гэжэ уласай толгойлогшо Вячеслав Наговицын түсэблэлгын зүблѳѳн дээрэ мэдээсээ.

Регионуудай аптекэнүүд хэр зэргэ хэрэгтэй эм домуудаар хангаатайб гэhэн асуудалаар «Ниитэ Россиин фронт» шалгалта ябуулжа, эгээл тулюур 10 регионой тоодо Буряад улас ороно гээд тобшолол хэһэн байна.

Тон хэрэгтэй эмүүдэй тобьегто 24 зүйл оруулагданхай. Эдэ эмүүд заабол аптекэнүүдтэ наймаалагдаха эрилтэтэй. Теэд амин шухала эмүүдые заабол наймаалха гэһэн эрилтые Буряадай зарим аптекэнүүд дүүргэнэгүй.

«Энэ хэрэгые хиналта дороо абажа, гүрэнэй зүгhѳѳ таhалгаряагүйгөөр хиналта хэхэ хэрэгтэй», - гээд, Вячеслав Наговицын заабарилаа. Федеральна хуулида эсэргүүтэhэн аптекэнүүдэй эзэд хэһээгдэхэ юм. Уласай элүүрые хамгаалгын яаман энэ асуудалаар ажалаа шангадхаха болоо.