917
Нютаг hууринуудай үбэлэй хаhада хэр бэлэн болоод байһыень Ородой Холбооной техническэ хиналтын Забайкалиин хүтэлбэри шалгалта хэбэ.
Тус албан түсэбэйнгээ еhоор, 25 нютагай засагай байгууламжа хинан хараа. Арбан аймаг бэрхэшээлгүйгөөр шалгалтаяа гараа. Тэрэ аймагуудые нэрлэбэл, Баргажан, Хурамхаан, Зэдэ, Кабанск, Хойто Байгалай, Загарай, Ивалга, Сэлэнгэ аймагууд мүн. Тиихэдэ Гусиноозерск болон Улаан-Үдэ хотонууд дулаасуулгын хаhада мүн лэ hайнаар бэлдээ.
Зарим тэды дутуу дундануудаа усадхажа, үбэлэй хаһада бэлэн байhанай паспорт абаһан байгууламжануудай тоодо Захаамин хото, Хяагта, Захаамин, Тарбагатай, Хори, Хэжэнгэ, Байгал шадарай болон Мухар-Шэбэр аймагууд ороно. Таксимо болон «Селенгинское» тосхонууд, Хойто-Муйя, Түнхэн болон Бэшүүр аймагууд баhал шалгалтануудые гаража, тодорхой болзорто муугаа заhаха заабаритай аад, бодотоор дутуу дундануудаа усадхаагүй байжа, мүнѳѳ болотор бэлэн тухай паспортгүй гээд элирбэ. Гадна Наушкын Северобайкальск тойрог баhал паспорт абаагүй байһаар.
Автор: Дарима ДОНДОКОВА
