836
Сибириин федеральна тойрог дотор хамагай олон үхибүү түрэһэн можо нютагуудай тоодо Буряад улас оробо. Буряадай тоо бүридхэлгын эмхиин мэдээгээр, байгша оной январь-сентябрь һарануудта 12 248 үхибүүн түрэһэн байна. Тиин мянган хүнэй тоогоор үхибүү түрэлгын коэффициент 16, 6 боложо, хүршэ регионуудһаа булюу дээгүүр болоно. Баунта, Хяагта, Хэжэнгэ, Хори, Муя, Ивалга болон Загарай аймагуудта хамагай олон үхибүүд түрэһэн байна.
