​ШЭНЭ ЖЭЛЭЙ МЭНДЭ АМАР!

"ШЭНЭ ЖЭЛЭЭР" гэжэ амаршалхада, хэр зүб гээшэб? 

1923 - 1959 онуудай "Буряад үнэн" сониниие уншахада, "Шэнэ жэлээр" гэжэ хэлэжэ, бэшэжэ амаршалдаггүй байгаа. Тэрэ үедэ буряад хэлэнэй дүрим, ёhо заншалаа дагажа “С Новым годом” гэхэдээ, "ШЭНЭ ЖЭЛЭЙ МЭНДЭ АМАР!", мүн "ШЭНЭ ЖЭЛЭЙ БАЯР ХYРГЭЕ!" гэжэ бэшэжэ, хэлэжэ амаршалдаг байгаа. Харин мүнөө ород хэлэн дээрэ хэлэгдэдэг "С Новым годом" гээшые дууряажа, хахад, дутуу хэлэлгэ болохо "Шэнэ жэлээр" гэлсэдэг болообди. "Шэнэ жэлээр" гэхэеэ болижо, «ШЭНЭ ЖЭЛЭЙ МЭНДЭ АМАР!» «ШЭНЭ ЖЭЛЭЙ БАЯР ХҮРГЭЕ!» гэжэ амаршалдаг болоё!