​Байгал далай шэнжэлгэдэ мүнгэн шэглүүлгэхэ

Экологиин шэнжэлгэнүүдэй талаар хэмжээ ябуулгануудые дэмжэлгын жаса энэ мүнгэ һомолхо хараатай. Эрхүүгэй гүрэнэй ехэ һургуулиин эрдэм шэнжэлгын биологиин институдай захирал Максим Тимофеевэй болон Эрхүүгэй гүрэнэй ехэ һургуулиин ректор Александр Аргучинцевай нэрээр бэшэг орожо, мүнгэн туһаламжа үзүүлхэ тухай мэдээсэгдэбэ. Грантын гуримаар һомологдохо мүнгэн 2017 оной февралиин 28 болотор эрдэмтэдэй мэдэлдэ дамжуулагдаха зэргэтэй.

Байгал далайн экологиин байдалые шэнжэлгын хүдэлмэри 1946 онһоо эхитэй юм. Эрхүүгэй гүрэнэй ехэ һургуулида хүдэлжэ байһан профессор Михаил Кожов шэнжэлгэ эхилжэ, энэ хэрэгынь мүнөө болотор үргэлжэлүүлэгдэнэ.