​Зайгуул нохойнууд зайлуулагдахань

Ниислэл хотые болбосон түхэлтэй болгохо таһагые даагша Алексей Тулоновай дуулгаһаар, харууһагүй нохойнуудай тоо яашье хороногүй. Энэ удаа нохойнудые барижа, харууһалха конкурсда гансал Улаан-Үдын болбосон түхэлтэй болголгын комбинат хабаадажа, энэ хэрэгые бэелүүлхэ болоо. «Мүнгэ абаад, захилаа хүсэд дүүргэхэ хүсэлгүй эрхэтэд олон байгаа, зүгөөр гансал ниислэлэй комбинат энэ ажалые эхинһээнь дүүрэтэр хэхэ аргатай байжа, конкурсда гансаараа хабаадаад диилэбэ гэжэ хэлэгдээ. Тиигэжэ 11 миллион 452 мянган түхэригэй хэлсээгээр 6529 нохой баригдажа, тусхай газарнуудта абаашагдаха. Малай эмшэн тэдэниие шэнжэлжэ хараад, үбшэн нохойнууд унтуулагдаха зэргэтэй.