808
Буряад Уласай Толгойлогшо Вячеслав Наговицын энэ асуудалаар Зүүн-Сибириин түмэр замай захиралда хандалга хэһэн байгаа. Тиигэжэ 2017 оной февралиин нэгэнһээ Заудинскын станцида хэдэн поезднууд зогсодог болохонь. Тодорхойлбол, «Россиин түмэр замай» филиал болохо Зүүн-Сибириин түмэр замай хүтэлбэрилэгшэ Василий Фролов Вячеслав Наговицынай хандалгада харюусаһан бэшэг эльгээхэдээ, Шэтэ-Челябинск, Хабаровск-Москва, Нерюнгри-Новосибирск, Владивосток-Москва, Шэтэ-Адлер, Владивосток-Новокузнецк шэглэлээр ябадаг поезднууд эндэ байлгадаг болохо гэжэ мэдээсэбэ. Тиихэдэ 2017 оной апрелиин нэгэнһээ Загарай станци дээрэ Шэтэ-Москва шэглэлэй поезд зогсодог болохо гэжэ найдуулаа.
