699
Омск, Кемерово можонуудай, Тыва, Саха (Яхад), Буряад уласуудай,Үбэр Байгалай, Камчаткын хизаарнуудай, Чукоткын автономно тойрогой болон Еврейскэ автономно хизаарай мэргэжэлтэд эндэ хабаадаһан байна. Һуралсалай үедэ Буряад Уласай ойн ажахын диспетчерскэ албан нэгэшье алдуугүйгөөр, эмхитэйгээр ажалаа ябуулба.
Бабанта аймагай газар дээрэхи Романовкын ой тайгада түймэр гараа гэһэн мэдээ абаһанай удаа, Буряад Уласай ойн ажахын диспетчерскэ албан тэрэ дороо зохихо шиидхэбэринүүдые абажа, дары түймэр усадхаха ёһотой байба. Тохеолдоһон онсо байдалда, хүн зоной хохидоһон ушарта, тосхон һууринуудта түймэр саашань һүжэрөөхэгүйн тула ойн ажахынхид яажа ажалаа ябуулнаб гэжэ элирүүлхэ зорилготой шалгалта үнгэргэгдөө. Тус албанай мэргэжэлтэд урдань табигдаһан зорилгонуудаа дүүрэн бэелүүлжэ шадаа гэжэ Буряад Уласай ойн ажахын агентство мэдээсэнэ.
Дарима АНАНДАЕВА
