728
“Элшэ хүсэ алман гамнаха тухай” федеральна хуулиин ёһоор олон байратай гэртэ хэрэглэгдэдэг уһан, зайн гал, дулаан тусхай тоо баримтатай байха ёһотой юм. Энээниие тоолодог хэрэгсэл гэр бүхэн соо заатагүй байха зэргэтэй. Хүнүүдэй байрладаг болон байдаггүйшье гэрнүүдэй эзэд иимэ хэрэгсэлнүүдые заатагүй тодхохо ёһотой юм.
Уһан, зайн гал, дулаа баримталдаг хэрэгсэлнүүдые гурбан аргаар табижа боломоор:
1. Тус гэртэ ажаһуугшад өөһэдөө харюусалга абаха аргатай. Тэдэнэр мүнгэ суглуулжа, һанаандаа таараһан хэрэгсэлнүүдые худалдан абажа, тодхохо болоно. Тиимэһээ тэдэнэр гаргашалагдаха мүнгэеэ гансата суглуулха юм. Бүхы ажал ябуулха хүниие шэлэжэ, тэрээндээ даалгаха аргатай.
2. Тоо баримталһан хэрэгсэлнүүдые олон байратай гэрэй түлөөлэгшэд, гэр ашаглабарилдаг ажахы хамта ажалаа ябуулха болоно. Эдэнэр хамта зүбшэн, таараха хэрэгсэлнүүдые худалдажа абаха аргатай. Гэр ашаглабарилдаг ажахы энээниие тодхохо юм. Энэ аргааар ажаһуугшад мүнгэеэ таһалдуулан, гэр ашаглабарилдаг ажахыдаа тушааха аргатай.
3. Уһан, зайн гал баримталһан хэрэгсэлнүүдые хамаг бүтэсэ байгуулдаг (ресурсоснабжающая организация) эмхи зургаан бэедээ даажа абаха юм. Тиихэдэ тус гэртэ ажаһуугшад хэгдэхэ ажалда ямаршье нүлөө үзүүлхэ эрхэгүй. Тэдэнэр тус эмхиин табиһан сэнгээр мүнгэеэ суглуулха болоно.
“Элшэ хүсэ алман гамнаха тухай” хуули бэелүүлээгүй һаа, гэр ашагладаг ажахынууд, бүтэсэ байгуулдаг эмхи зургаанууд харюусаха болоно. Уһан, зайн гал, дулаанай тоо баримталдаг хэрэгсэлнүүдые тодхохын түлөө мүнгэеэ түлөөгүй зон баһа хуулиин ёһоор харюусаха юм гэжэ тэмдэглэлтэй.
Гэр байра уһан, зайн гал, дулаанай тоо баримталдаг хэрэгсэлнүүдые хүнүүдэй эдэбхитэйгээр тодхохын тула Ородой Холбоото Уласай засагай газар тус хэмжээ ябуулгануудые үнгэргэнэ.
