792
“Бабушка на час” гэжэ нэрэтэй тус түсэлдэ жараад хүгшэн эжынэр хабаадаха аргатай байһан тухайгаа мэдүүлээ. Наһатайшуул болон үбшэн үхибүүдтэй гэр бүлэнүүд арбан табан хэлсээ баталаа. Эдэнэй олонхинь Улаан- Үдэдэ болон Байгал шадарай аймагта ажаһуугшад болоно.
Энэ түсэлдэ хабаадаха гэбэл, багшын гү, али эмшэнэй мэргэжэлтэй, наһанайнгаа амаралтада гараһан хүгшэн эжынэр болон үхибүүдээ, илангаяа үбшэн хүүгэдые, харууһагүй орхихо аргагүй гэртэхин ажаһуудаг газартаа ниигэм хамгаалгын талаар таһагта хандаха аргатай. Тэдэнэр хэлсээ баталжа, түлбэри тухайгаа өөһэдөө хөөрэлдэхэ болоно.
“ Буряад Улас энэ түсэл бэелүүлжэ эхилһэн можо нютагуудай тоодо ороно. Наһанайнгаа амаралтада гараһан хүгшэн эжынэр сүлөө сагтаа эндэ хабаадаха аргатай,”- гэжэ Буряад Уласай Ниигэм хамгаалгын талаар яаман мэдээсэнэ.
