941
Загарай аймагай Онохой һууринай хажууда оршодог ой соо түймэрэй, модо бэлдэһэн үйлэдбэриин һүүлдэ, хатаһан, унаһан модо,гэшүүһэ суглуулжа, залуушуул галдаба. Энэ хэмжээ ябуулгада һайн дураараа хабаадагшад Буряадай гүрэнэй дээдэ һургуулиин оюутад болоно.
Иимэ хэмжээ ябуулга саһанай хайлаадүй байхада үнгэргэдэг байна. Удаань май һарада Бүхэроссиин ой һуулгаха үдэр энэ талмайда шэнээр модон таригдаха юм.
Буряад Уласай Толгойлогшын болон Засагай газарай захиргаан, Ойн ажахын уласай агентство болон Залуушууулай бодолгын талаар хороон суг хамта ажал ябуулжа, аймаг бүхэндэ байгаали аршалха бүлэгүүдые эмхидхэнэ. Ой аршалха хэрэгтэ ажаһуугшад һайн дураараа хабаадажа, түймэрэй аюултай хаһын үедэ, оршон тойронхиие ариг сэбэр болгоходо туһа хүргэхэ юм.
