806
Улаан-Үдэ шадарай харгы заһабарилгада 2017 ондо 1миллиард түхэриг гаргашалагдахаар хараалагдана. 2017 онһоо 2025 он болотор энэ программа бэелүүлэгдэхэ юм. Ямар харгы заһабарилагдахаб гэһэн шиидхэбэри ганса мэргэжэлтэд абаха ёhотой бэшэ. Хотын ажаһуугшадайшье һанамжа хараада абтаха юм.
Ниитын соведэй зүблөөндэ Буряад Уласай транспортын, элшэ хүсэнэй болон харгын ажахын сайд Сергей Козлов болон тус яаманай харгын ажахын таһагай ноён Галина Подрез гэгшэд тус түсэл тухай хөөрэжэ үгэбэ. «Улаан- Үдэ хотын оршон байдал» тухай түсэл Буряад Уласай Толгойлогшын уялга саг зуура дүүргэгшэ Алексей Цыденовэй үүсхэлээр бэелүүлэгдэхэнь.
Улаан- Үдэ хотын замуудые заһабарилжа, харгын аюулай дайралдаха ушар зайсуулха зорилго табигдана. Гэхэ зуура харгы заhабарилга нормативна бyхы эрилтэнүүдые сахижа дүүргэгдэхэ юм.
Тарбагатай, Ивалга, Прибайкалиин болон Загарай аймагууд баһал энэ программада оробо гэжэ һануулнабди. Бүхыдөө 865 модоной зайда харгы заһабарилагдаха юм: тэрэнэй – 128 километрынь федеральна харгы болоно. 226 модоной зайда республикын удха шанартай харгынууд заhабарилагдаха байна. Тиихэдэ хамта дээрээ 511 модоной зайда нютагай харгынууд заhабарилгада орохо юм.
Ажаһуугшадта шэнэ эрилтээр баригдаха харгын шанар болон аюулгүй байдал үсөөлхэ түсэл һайшаагдаха ёһотой. Тиимэһээ Буряад Уласта ажаһуугшад өөдынгөө һанамжануудые http://egov-buryatia.ru/index.php?id=6984 гэһэн сайтда оруулха аргатай.
- -Тус түсэлдэ Горький һууринда оршодог Орловская үйлсэhөө Улаан- Үдэ орохо хүрэтэр зайда харгы заһабарилхабди. Үшөө тиихэдэ, Гагарина, 1905 оной Революциин, Пищевая, Гвардейская болон бусад үйлсэнүүдтэ харгы заһабарилагдаха. Ороһон дурадхалнуудаар программада нэмэлтэ,хубилалтанууд оруулагдаха гэжэ Сергей Козлов хэлэбэ.
