867
“Эрхим һурагша” гэһэн Байгаали хамгаалгын жэлдэ зорюулагдаһан аймагай мүрысөөн Нижнеангарск хотын дунда һургуулида үнгэрбэ. Эндэ долоон һургуулинуудай түлөөлэгшэд хабаадаба.
Мүрысөөнэй программа хэдэн шатаһаа бүридэһэн байна. Түрүүшын шатада хабаадагшад өөр тухайгаа хөөрэбэ, удаань бэлдэһэн түсэлнүүдээ хамгаалба. Гурбадахи шатада “Оршон тойронхи байгаалидаа гамтайгаар хандалга хүмүүжүүлгэдэ минии хабаадалга” гэһэн агитбригадануудай мүрысөөн, тиихэдэ һүүлшын шатада листовконуудые бэлдэхэ мастер- класс үнгэргэгдoo. Жюриин гэшүүдэй бүридэлдэ ойн ажахын мэргэжэлтэдһээ гадуур һурагшад оролсоһон байна.
Команда бүхэн өөрын онсо илгаатай байгаа. Тэдэнэр оршон тойронхиие хамгаалгаар һонирхолтой бодолнуудаараа хубаалдаба. Жэшээнь, Нижнеангарск хотын һурагшад сахим оньhоор аяншалгын замууд тухай түсэл бэлдэжэ харуулба. Уоянай һургуулиин шабинар тусхай толи бэлдэбэ. Тэрээн дотор байгаалида хабаатай һара үдэрнүүд тэмдэглээтэй байба. Байгалай болон Ангоянай һургуулиинхид аяншалха зүргэ зохёожо, тэрэниие хаража байхабди гээд мэдүүлээ.
“Эрхим һурагша” мүрысөөндэ Шэнэ-Уоянай Анастасия Невойт илажа гараба. Ангоянай һургуулиин шабинар экологиин талаар эмхидхэгдэһэн мүрысөөнэй дүгүүдээр “Эрхим агитбригада” гэһэн нэрэ зэргэдэ хүртэбэ гэжэ ойн ажахын уласай агентство мэдээсэнэ.
