675
Ородой Холбоото Уласай Байгаалиин нөөсын яаманай уряагаар хизаар, можонууд болон дэлхэйн арадууд жэл бүри үнгэргэгдэг “Час Земли” гэһэн хэмжээ ябуулгада хабаадаха юм. Дээрэ хэлэгдэһэн яаманай хэблэлэй албан иигэжэ мэдээсэнэ.
Мартын 17-до үдэшын 20.30-һаа 21.30 минута болотор тус хэмжээ ябуулга үнгэргэгдхэ юм. Энэ сагта бүхы дэлхэйдэ часай туршада зайн гал унтараагдажа, бүхы гэрнүүд болон байшангуудта харанхы болохо. Оршон тойронхи байгаалида хүнүүдэй анхарал хандуулха, элшэ хүсэ гамнаха зорилготойгоор хэмжээ ябуулга үнгэргэгдэнэ. “Бүмбэрсэг дэлхэйе бэшэ, өөрыгөө хубилга” гэһэн уряа доро 2017 оной тус акци эмхидхэгдэхэнь.
Энээн тухай бүри тобшо мэдээсэл http://60.wwf.ru/ гэһэн сайтда харахада, уншахада болоно. Заншалта ёһоороо хото городуудаар “Эхэ Газарай саг” гэһэн хэмжэээ ябуулга дэмжэжэ, тамиршад велосипедүүдээр аян замда ябаха юм.
“Бүхэдэлхэйн зэрлиг байгаали хамгаалдаг жасын, Ородой Холбоото Уласай Байгаалиин нөөсын болон байгаали хамгаалгын яаманай болон Москва хотын Засагай газарай дэмжэлгээр Эхэ Газарай саг” гэһэн хэмжээ ябуулга үнгэргэгдэнэ гэжэ Буряад Уласай Байгаалиин нөөсын яаман мэдээсэнэ.
