861
Загарайн аймагай ниигэмэй хамгаалгын таһагай мэргэжэлтэд волонтёрнуудтай хамта «Открытка ветерану» гэһэн хэмжээ ябуулга үнгэргэбэ. Февралиин 23-най болон мартын 8-най һайндэрнүүдтэ дашарамдуулан, һурагшад ветерануудта гэртэнь ошожо, амаршалһан байна. Тэдэнэр багахан тоглолто бэлдэжэ, үндэр наһатайшуулые хужарлуулһан, уяруулһан байха юм. Уһа асаржа, түлеэень оруулжа, гэр тойронхи саһыень арилгажа, һурагшад туһа хүргэбэ.
Амаршалга хүлеэгээгүй байһан ветеранууд ехэтэ урмашаба. Тэдэнэр баяртайгаар һурагшадые угтан абажа, өөhэдынгөө ажалай болон дайшалхы зам тухайгаа эдир һурагшадта хөөрэжэ үгэбэ гэжэ Буряад Уласай Ниигэмэй хамгаалгын яаман мэдээсэнэ.
