909
Улаан- Үдэдэ эрэмдэгтэй, бэе муутай үхибүүдые хүмүүжүүлдэг эжынэрэй дунда “Эгээл һайхан эжы” гэһэн мүрысөөн 10-дахияа үнгэргэгдэбэ. Энэ хэмжээ ябуулга хадаа эрэмдэг бэетэй үхибүүдэй түрэлхидые нэгэдүүлhэн “Найдал” гэhэн можо нютагай ниитэ эмхи эмхидхэбэ. Олониитын ажабайдалда иимэ гэр бүлэнүүдые эдэбхитэйгээр хабаадуулха, эрэмдэгтэй үхибүүдтэй эжынэрые урмашуулха, дэмжэхэ гэһэн зорилготойгоор энэ мүрысөөн үнгэргэгдэбэ.
Мүрысөөнэй дүнгүүдээр Марина Игумнова түрүүшын һуури эзэлээ. Хоердохи һуурида Юлия Галимова болон Лидия Бадмаева гэгшэд хүртэбэ. Светлана Распопина гурбадахи һуури эзэлбэ. Юлия Галсанова, Елизавета Иванова хоёр 4-дэхи һуурида гараа гэжэ Буряад Уласай ниигэмэй хамгаалгын яаманай хэблэлэй албан мэдээсэнэ.
