740
Мартын 18-да үдэрэй хоёр сагһаа дүрбэн болотор “Юбилейный” паркда Ород гүрэнэй Крымтэй нэгэдэһэн үдэртэ зорюулагдаһан баяр ёһололой хэмжээ ябуулганууд үнгэргэгдэхэ юм.
Фестивалиин үедэ Залуушуулай талаар федеральна агентствын бүхэроссиин “Крымская весна”гэһэн акци үнгэргэгдэхэ. Тиихэдэ “Станица” бүлэгэй болон Валико Гаспарян, Алина Намсараева болон бусад мэдээжэ дуушадай хабаадалгатай тоглолто табигдаха.
2017 оной октябриин 14-22-ой үдэрнүүдтэ Сочи хотодо үнгэргэгдэхэ Бүхэдэлхэйн залуушуулай фестивальда хабаадагшад болон волонтёрнууд бүридхэлдэ абтаха юм.
Элдэб албанай мэргэжэлтэд зүбшэлнүүдые үгэхэ байна. СПИД түб, олзын бага хэрэг эрхилэлгын түб болон бусад эмхинүүд өөһэдынгөө мэдээсэлнүүдые дурадхаха.
Спортивна хэдэн мүрысөөнүүд эмхидхэгдэхэ юм. Һолжорхо дуратайшуулда түлөөһэгүйгөөр коньки дурадхагдаха. Энэ үдэр үшөө элдэб һонирхолтой нааданууд түсэблэгдэнхэй гэжэ Буряад Уласай Спортын болон залуушуулай талаар яаман мэдээсэнэ.
