680
Ниигэмэй хамгаалгын зургаануудта хэр олон хүн ханданаб гэжэ тобшолол хэгдэбэ.
2016 онтой жэшэхэдэ, 2017 оной февраль һарын туршада дээрэ хэлэгдэһэн эмхинүүдтэ хүнэй хандалга 16,1 процентээр бага болоо.
Гэр бүлын болон хүүгэдые хамгаалгын талаар 9,8 процентээр үсөөн бэшэмэл мэдүүлгэнүүд ороод байна. 2016 ондо 63 бэшэг ороһон һаа, мүнөө жэлдэ оройдоол 36 мэдүүлгэ бэшэгдээ. Гэхэтэй хамта, үншэн болон түрэлхидэй харууһагүй үлэһэн үхибүүдые гэр байратай болгохо асуудалнуудые шиидхэлгэ орёо зандаа.
Олон үхибүүдтэй гэр бүлэнүүдтэ ниигэмэй туһаламжа үзүүлхэ талаар үсөөн мэдүүлгэнүүд ороһон байна. 2016 оной февраль һарада 35 бэшэг ороһон һаа, мүнөө жэлдэ 27 мэдүүлгэ ороһон юм.
Гэр байрын болон коммунальна туһа хангамжын түлбэриин талаар тэдхэмжэ үзүүлхэ асуудалаар хандалганууд олон.
2017 оной февраль һарада ороһон бүхы бэшэгүүдэй федеральна зургаанай гүйсэдхэхы засаг зургаанһаа ороһон хандалганууд 9,3 процентнь болоно. 2016 онтой жэшэхэдэ, федеральна засаг зургаанда ороһон бэшэгүүдэй тоо 15,8 процентээр үсөөн болоо.
2016 ондо ороһон хандалганууд 186-һаа 170 хүрэтэр мүнөө жэлдэ үсөөн болоо.
Ородой ХолбоотоУласай гүйсэдхэхы засаг зургаанда ороһон бэшэгүүдэй олонхинь Улаан-Үдэ хотын болон Кабанск,Байгал шадарай, Сэлэнгэ аймагуудай ажаһуугшадһаа ерэһэн байна гэжэ Буряал Уласай Ниигэмэй хамгаалгын яаман мэдээсэнэ.
