875
Буряад Уласай гүрэнэй ветеринарна албан мал үбшэнһөө һэргылхэ талаар хэмжээ ябуулгануудые эхилбэ.
Федеральна хуулиин ёһоор, малай халдабарита үбшөөр үбдэхэгүйн тула мал харадаг ажахынууд болон эзэд ветеринарна албанай эмшэдтэ малаа суглуулуулаад, харуулха ёһотой. Бруцеллёз, туберкулёз, лейкозоор үбдэһэн мал элирүүлхэ, сибириин язваһаа һэргылэмжын тарилга хэгдэхэ юм. Эдэ хэмжээ ябуулгануудай һүүлээр малай эзэдтэ тусхай дансанууд барюулагдаха болоно. Эдэ бүхы хүдэлмэринүүд түлбэритэ гэжэ Буряад Уласай ветеринариин хүтэлбэри мэдээсэнэ.
Хабарай ветеринарна ажалай үедэ бүхы малда заабол тарилга хэхэ шухала. Үгы гэбэл,мал халдабарита үбшөөр үбдэжэ гү, али үбшэн малай мяхаар, һүөөр үйлэдбэрилһэн эдеэ хоол эдижэ, хүнүүдшье үбдэжэ болохо. Тиимэһээ үхэр малаа гаргангүй, болзор соогоо ветеринарна албанай ажалшадые хүлеэхэ хэрэгтэй. Аймагай захиргаануудтай ветеринарнуудта туһа хүргэхэ тухай хэлсэгдэнхэй.
