862
Буряад Уласта харгын аюулгүйе сахидаг албанай ажалшад һургуулиин үхибүүдые харгын дүримүүдтэй танилсуулһаар гэжэ Дотоодын хэрэгүүдэй яаман мэдээсэнэ.
Хабарай амаралтын хаһын урда тээ үхибүүдые харгыда ушардаг бэрхэшээлнүүдые яагаад дабахаб, яажа өөрыгөө аюулда оруулхагүйб гэхэ мэтэдэ тэдэнэр һургана.
Харгын аюулгүйе сахидаг албанай ажалшад үхибүүдые харгы гарахадаа анхаралтай байхыень, харгын, светофорой тэмдэгүүдые тэдэнэртэй дабтан, машинын урдуур гүйжэ гарангүй, хүн зоной ябаха харгыгаар дүрим сахижа байхыень һургана.
Харнхыда, боро хараанда ябахадаа, гэрэлтэдэг тэмдэгүүдэй удха шанар баһал ойлгуулжа хэлэгдэбэ.Энэ үнгэрһэн хэмжээ ябуулгын һүүлээр, үхибүүдэй хэлэһээр, тэдэнэр олон юумэ мэдэхэ болобо.
- Харгын дүримүүдые һайнаар мэдэхэ болообди. Жолоошодой харуулһан тэмдэг ойлгодог болобобди. Мүнөө харгыда ябахадаа, аюулда оронгүй, элүүр энхэ ябахабди, - гэжэ үхибүүд хэлэбэ.
