767
Сотниково һууринда гэртэй болоһон үншэн үхибүүдэй хандалгануудые шалгаха тухай Алексей Цыденов даабари үгэбэ.
Буряад Уласай Толгойлогшын уялга саг зуура дүүргэгшэ Алексей Цыденов Ниигэмэй хамгаалгын, Барилгын болон гэр байрын ажахы шэнэдхэлгын яамануудта Ивалга аймагай захиргаантай хамта үншэн үхибүүдтэ баригдаһан гэрнүүдые шалгаха тухай даабари үгэбэ. “Молодёжный” гэһэн микрорайондо оршодог эдэ гэрнүүдтэ ажаһуудаг залуушуул байрладаг гэрэйнгээ муу шанартай байһан тухай гомдол бэшэһэн байна.
Шалгалтын дүнгүүдээр барилгын үедэ хэгдэһэн дутуу дунданууд усадхагдаха ёһотой. Уласай мэдээсэл тараадаг хэрэгсэлнүүдтэ хэды удаа дутагдалнуудтай баригдаһан гэрнүүд тухай хэблэгдэһэн байна. Тиимэһээ эдэ гэрнүүдые шалгаха тухай шиидхэбэри абтаа. Буряад Уласай Ниигэм хамгаалгын яаманай мэдээгээр, 2015-2016 онуудта Сотниково һууринда 254 байраар үншэн үхибүүд хангагдаһан байна. Эдэ гэр байрын муу шанартай байһан тухайнь 5 мэдүүлгэ оробо.
