681
“Сириус” гэһэн һуралсалай түбгэ “Искусство” гэһэн шэглэлээр 2017 оной арелиин 1-һээ 24 болотор Буряад Уласһаа Валерия Филиппова, Раминта Шличайте гэгшэд уригдаба. Эдэ басагад Д. Аюшеевэй нэрэмжэтэ хүгжэмэй- гуманитарна лицейн һурагшад юм.
Ородой Холбоото Уласай толгойлогшо В. В. Путинай үүсхэлээр, тэрэнэй дэмжэлгээр Сочи хотодо байгуулагдаһан “Сириус” гэһэн һуралсалай түбтэ һара бүри үхибүүд һурадаг, амардаг юм. Естественнэ-эрдэмэй,соёл, урлагай болон спортын һалбарида шалгарһан үхибүүд Ород гүрэнэй бүхы нютаг можонуудһаа энэ түбтэ суглардаг юм.
“Талант и успех” гэһэн жаса үхибүүдэй ошохо ерэхэ харгыда гаргашалагдаха мүнгэ, байрыень, тэдэнэй һуралсал болон сүлөө саг эмхидхэлгэ гэхэ мэтые даажа абанхай.
- Бэлиг талаантай үхибүүд “Сириус” гэһэн түбтэ һуража, тэрэнь саашадаа мэргэжэлэй талаар хүгжэлтэдэнь нүлөөлхэ байха, - гэжэ түбэй ажалшад тэмдэглэнэ.
Буряад Уласай Соёлой яаманай сайтһаа гэрэл зураг абтаба.
