593
Буряад Уласай Засагай газарай 130-дахи тогтоолой ёһоор, уласай газар дайдада түймэрэй аюултай хаһын онсо байдал соносхогдобо.
Онсо байдалай үедэ хотонуудай, хүдөө нютагуудай газар дайдада гал түүдэг носоохо, хагда ногоо, бог шорой галдаха хоригдоно. Ойн хуулитай зохилдуулан, мэргэжэнги эмхинүүд ойн жасын газарнуудта түймэрһөө һэргылхэ зорилготойгоор гал носоохо эрхэтэй.
Буряад Уласай ойн ажахын агентстводо хүн зоной, трактор машинануудай ойдо орохыень хизаарлажа, ойдо түймэрэй гарахагүйн тула ажал ябуулха даабари үгтэбэ.
Буряад Уласай аймагуудай болон хотын тойрогуудай засаг зургаануудта хүн зоной ойдо болон трактор, машинануудай ойдо орохыень хизаарлажа,хуули ёһоной гуримаар шиидхэбэринүүдые абаха тухай зууршалагдаба. Үшөө тиихэдэ, ойдо дүтэ оршодог газар дайдые шалгаха хүдэлмэри эмхидхэхэ тухай даабари үгтэбэ.
Түймэрэй гараһан тухай дүтын ойн ажахыда гү, али (83012) 20-44-44 гэһэн утаһаар дуулгыт гэжэ ойн харуулшад хандана.
