​Уласай субботник

Буряад Уласай Толгойлогшын уялга саг зуура дүүргэгшэ Алексей Цыденов улас дотор ариг сэбэр оршон байгуулха түсэбтэй.

Апрелиин 15-да уласай бүхы нютаг засагай байгууламжануудта үнгэргэгдэхэ субботнигто гарахыень ажаһуугшадые Алексей Цыденов уряална.

Буряад Уласай Толгойлогшын уялга саг зуура дүүргэгшэ аймагуудай даргануудта субботнигто бэлэдхэл хэжэ, эгээл эдэбхитэй хабаадагшадые урмашуулха тухай даабари үгэбэ.

-  Би өөрөө модо үргэһэн Ленин шэнгеэр ябахаб, шэрэ будаг, хамуур, баряад хабаадахаб. Бултаниие энэ хэмжээ ябуулгада эдэбхитэйгээр хабаадахыень уряалнаб,- гэжэ ниитын ажал ябуулагшадтай уулзалгын үедэ Алексей Цыденов хэлэбэ.

Энэ үдэр бүхы нютаг засагай байгууламжануудта соёлой программа эмхидхэхэ тухай Алексей Цыденов дурадхаба. “Соёлой хэмжээ ябуулгануудые эмхидхэгдэжэ, ариг сэбэрэй, журамай һайндэр үнгэргэгдэхэ,”- гэжэ тэрэ хэлэбэ.

Анна Огороднигой гэрэ зураг.