​Барилга түлэг дундаа

Утаатын Соёлой байшанай һандаржа, хүн зо­ной уулзаха ушархашье, һонин һорьмойгоо андалдахашье, үри хүүгэдэй бэе тамираашье хүгжөөхэ аргагүй болоходо, сомоной засаг дарга Бэлигто Цыренжапович Замбалаев үүсхэл гаргажа, буряад заншалта ёһоороо найман ханатай түхэреэн гэр бария гэжэ зондоо дурадхаһан байна.

Энэ үүсхэлыень нютагаархиниинь дэмжэжэ, арга шадалаараа туһалха байһанаа мэдүүлээ. Нютагай хүбүүн, Буряад Уласай МВД-гэй ветеран Амар-Жаргал Лубсанович Ламаев энэ дурадхал халуунаар дэмжээ. Тус байшан түсэблэгдэхэдөө, орохо, гараха үүдэнүүд, тамиршадай хубсаһа хунараа тайлаха, һэлгэхэ таһалганууд болон ехэ мүрысөөнүүд, урилдаануудые үнгэргэхэ ехэ танхим гэхэ мэтэ гэжэ хараада абтаа.

Энэ бэлэн бэшэ ажалые нютагай бэрхэ барилгашан Виктор Долгорович Дымпилов ударидажа, нютагайн­гаа дархаша хүбүүдээр тухандань хүргэжэ байна. Ерэхэ һуралсалай жэлэй эхиндэ бэе тамир хүгжөөлгын-со­ёлой байшан үүдэеэ сэлихэ бэзэ гэжэ найдагдана.

Иимэ ехэ ажал бүтээжэ байһан бүхы зондо, онсолон “СМИТ” нэгэдэлэй захирал Геннадий Юрьевич Доржи­евта болон Аха аймагһаа гарбалтай Вячеслав Сергее­вич Сыреновтэ бүхы утаатаархин баяр баясхалангаа мэдүүлнэ.