​Буряад хэлэеэ үргэел даа, "А"-һаа "Я" хүрэтэр хэлэел даа

Түнхэн аймагай «Саяны» гэһэн нютагай эблэл апрель һарын 8-да П.И. Чайковскиин нэрэм­жэтэ соёл урлагай колледжын танхим соо «Буряад хэлээр дуу­гардаг сагаан толгой (алфавит)» гэһэн түсэл дэмжэлгын тоглолто үнгэргэнэ. Энэ тоглолтодо Буря­адай мэдээжэ артистнар болохо Михаил Пирогов, Елена Мохосо­ева, Ринчин Дашицыренов, Вера Шобосоева, Түнхэнэй Хэрэнэй үхибүүдэй соёл болон урлалай һургуулиин «Улаалзай» бүлэг хабаадана.

Энэ сагаан толгой хэлэ бэшэгэй эрдэмэй дид доктор, эблэлэй хо­рооной гэшүүн Оюна Александровна Забанова зохёон бэлдэ­жэ, нааданай маягтайгаар буряад хэлэндэ һургаха, түрэл хэлэеэ хүгжөөхэ, дэлгэрүүлхэ ехэ һонин арга бэлдэһэн байна. Тэндэ 36 үзэг, 60 үгэ, 10 үнгэ, 10 тоо, буряад арадай үсхэбэрилдэг 5 хушуун мал, 40 шүлэгүүд оронхой юм. «Үзэг ологты», «Хаанаб үгэ?», «Хаанаб үнгэ?», «Хаанаб тоо?» г.м. шалгалтын асуудалнууд табигдана.

Харин энэ түсэл бэелүүлхын тула 698932 түхэриг хэрэгтэй болоно. Тиимэһээ энэ тоглолто эмхидхэжэ, зоной туһада найдагдана. Оруулһан мүнгэеэ 1000 түхэригтэ нэгэ экзем­пляраар бусааха аргатай.

Хэрбэеэ майн 1 болотор мүнгэ оруулбалтнай, 1000 түхэригөөр нэгэ плакат ба 2000 түхэригөөр гурбан экземпляр сагаан толгой абахада болоно.

Мүнгэ «Саяны» эблэлэй банкын данса руу эльгээхэдэ болоно:

РОО «Саяны»

670000, г. Улан-Удэ,

Проспект Победы, 18

ИНН 0326006760

КПП 032601001

ОГРН 1030303251439

Бурятское отделение

№ 8601 Сбербанка РФ

р/с 40703810409160105261

БИК 048142604

к/с 30101810400000000604