688
2017 оной зунай сагта холын харгыда ябаха поезднуудта Зүүн Сибириин түмэр харгыда үхибүүдэй аяншалха хүнгэлэлтэтэй биледүүд наймаалагдажа эхилбэ.
2017 оной июниин1-һээ августын 31 хүрэтэр 10-һаа 17 наһа хүрэтэр үхибүүд хахад сэнгынь түлэжэ, поездоор ябаха юм. “Скорый”, “Пасажирский” гэһэн холын харгыда ябадаг поезднуудай плацкартна, хамтын,һуугаад ябаха вагонуудта, Ород гүрэнэй газар дайдаар ябадаг 2-дохи, 3-дахи классай холын харгын электропоезднуудта хүнгэлэлтэ байха. Тиихэдээ, түргэн ябадалтай поезднуудта энэ хүнгэлэлтэ хараалагданагүй. Транзидаар ябаһан поезднуудта Ородой Холбоото Уласай газар дайдада үхибүүд хүнгэлэлтэтэй биледээр ябаха аргатай.
“РЖД” гэһэн хуби ниилүүлһэн нээмэл бүлгэмэй сайтда орожо гү, али кассануудта хандажа, хүнгэлэлтэтэй билет абажа болохо. Билет абахадаа, түрэһэн тухай үнэмшэлгэ гү, али үхибүүнэй паспорт харуулха хэрэгтэй.
Поезддо һуухадаа, билет болон нюур гэршэлһэн данса харуулха шухала. 14 наһа хүсөөгүй үхибүүндэ нотариусай баталһан түрэһэн тухай үнэмшэлгын буулгабари харуулха юм.
Ородой Холбоото Уласай Засагай газарай түрүүлэгшэ Дмитрий Медведев “РЖД” гэһэн хуби ниилүүлһэн бүлгэмэй толгойлогшотой уулзалгын үедэ байгша ондо хүнгэлэлтэтэй биледүүдые оруулха тухай даабари үгэһэн байна.
Энээнһээ урид һуралсалай үедэ, сентябриин 1-һээ майн 31 хүрэтэр, хүнгэлэлтэтэй биледүүд байдаг һэн. Бүхэли жэлэй туршада табатай болодүй үхибүүд, һуури эзэлэнгүй түлбэригүйгөөр ябаха юм.
