​Буряад хэлээр мүрысөөн

Улаан-Үдэдэ апрелиин 7-до буряад хэлэ дэлгэрүүлхэ зорилготой уласай мүрысөөнэй түгэсхэлэй шата үнгэргэгдэхэхэ юм.

Мартын 1-һээ 24 болотор энэ хэмжээ ябуулгада хабаадаха тухай мэдүүлгэнүүд болон зохёохы ажалнууд ороһон байна. Тэрэнэй дүнгүүдээр Буряад Уласай багшанарай колледждо түгэсхэлэй шата үглөөдэр үглөөнэй 10 сагһаа эхилхэ юм.

Буряад хэлэнэй мүрысөөн 3 бүлэгтэ хубаарха. Түрүүшын бүлэгтэ 12- тойһоо 14-тэй һурагшад, хоёрдохи бүлэгтэ 15-тайһаа 19-тэй болотор наһанай һурагшад болон оюутад, гурбадахи – 20-һоо дээшэ наһанай зон хабаадаха юм. Мүрысөөндэ илагшадта дипломууд болон дурасхаалта бэлэгүүд барюулагдаха.

Буряад Уласай олонхи һургуулинуудта буряад хэлэн заагдана. Хүдөө нютагуудай хүүгэдэй сэсэрлигүүдтэ болон һургуулинуудта угсаата арадайнгаа ёһо заншал шудалдаг юм. Буряад хэлэн дээрэ аман зохёолой болон уран зохёолой кружогууд, театральна студи нэмэлтэ һуралсалай байшануудта үнгэргэгдэдэг.

Буряад хэлэ дэлгэрүүлгын мүрысөөн 2009 онһоо эмхидэхэгдэдэг юм. Буряад Уласай Тологойлогшын захиргаан, Болбосоролой болон эрдэм ухаанай яаман, Үндэһэ яһатанай хоорондын харилсаанай болон эрхэтэнэй үүсхэл хүгжөөхэ хорооной дэмжэлгээр энэ хэмжээ ябуулга багшанарай колледж эмхидхэнэ.

Анна Огороднигой гэрэл зураг.