680
Ородой Холбоото Уласай Онсо байдалай талаар яаманай сайдай орлогшо Александр Чуприян Буряад Уласта онсо байдалай талаар комисиин зүблөө үнгэргэбэ. Нютагай засагай байгууламжануудай дарганууд энэ зүблөөндэ видеоконференциин аргаар хабаадаба.
Энэ зүблөөн дээрэ ойн түймэр һэргылэмжын, унтараалгын үедэ албан газарнууд, захиргаанууд хоорондоо яажа харилсанаб гэһэн зүрилдөөтэ асуудалнуудай нэгэн зүбшэгдэбэ
Түймэр унтарааха талаар түсэбүүд бэелүүлэгдэхээр байха ёһотой, түсэбэй ёһоор түймэр сараха хүнүүд болон техникэ богони сагай туршада бэлэн болохо ёһотой гэжэ Александр Чуприян тэмдэглэбэ.
Ородой Холбоото Уласай Онсо байдалай талаар яаманай сайдай орлогшо ажаһуугшадтай тусхай ажал ябуулха тухай онсолон тэмдэглэбэ.
- Хүнүүд нютагтаа хагда ногоо галдана. Хүдөө нютагуудта түймэр һэргылэмжын ажал һайнаар ябуулагданагүй. Тэдээндэ эрилтэ табигданагүй. Зорюута гал табяашадта шанга эрилтэнүүдые табиха шухала, - гэжэ Александр Чуприян хэлэбэ.
Бэшүүр,Загарай, Хэжэнгэ аймагуудта ойн харуулшад 4 түймэр унтараагаа. Тэрэнэй талмай 113 га. Хүнүүдэй хайша хэрэгээр хандаһанһаа боложо эдэ түймэрнүүд гараһан байна. Түймэр саралгада 72 ойн харуулшад болон ажаһуугшад, 18 түймэр саралгын техникэ хабаадаа . Буряад Уласай дэбисхэр дээрэ түймэрэй онсо байдал тогтоогдонхой гэжэ һануулнабди.
