720
Байгал шадарай аймагай нютаг засагай байгууламжын захиргаанда Буряад Уласай Барилгын болон гэр байрын ажахы шэнэдхэлгын яаман, Ниигэмэй Хамгаалгын яаманай, Турунтаево гэһэн һомоной захиргаанай хабаадалгатайгаар үншэн болон түрэлхидэй харууһагүй үлэһэн үхибүүдтэ баригдаһан гэрнүүдэй ашаглалга тухай зүблөөн үнгэргэгдэбэ.
Зүблөөнэй дүнгүүдээр аймагай захиргаанда, нютагай өөһэдын хүтэлбэридэ үншэн үхибүүдтэ баригдаһан гэрнүүдые саг үргэлжэ шалгаха, тэдэнэртэ гэр байрынгаа түлөө коммунальна туһа хангамжын түлөө түлбэриеэ болзор соогоо түлэхэ тухай һануулха талаар ажал ябуулха гэһэн шиидхэбэринүүд абтаба.
2017 оной январиин 1-нэй тоо баримтаар, Байгал шадарай аймагай нютагай засагай байгууламжын захиргаанда 235 үншэн болон гэртэхинэй харууһагүй үлэһэн үхибүүд гэр байратай болохо ээлжээндэ оронхой, тэдэнэй 105-ниинь арбан найматай боложо, гэртэй болохо хуулиин эрхэтэй болоһон байна.
2010 онһоо 2016 он болотор ээлжээндэ байһан үншэн үхибүүдэй 64-ниинь гэр байратай болонхой .
