726
Буряад Уласай Толгойлогшын уялга саг зуура дүүргэгшэ Алексей Цыденов албанайнгаа хэрэгээр Москва хотоһоо мүнөө үглөөгүүр ерэһэн байна. Удаань, Загарай аймаг гаража, тэндэ ажаһуугшадтай уулзалгын үедэ “Победа” гэһэн авиакомпани- дискаунтертай хэлсэһэн тухайгаа хөөрэбэ.
“Энээн тухай эгээл түрүүн таанадта дуулгажа байнаб. “Победа” гэһэн авиакомпанитай хөөрэлдэжэ, октябрь һараһаа Москва –Улаан-Үдэ гэһэн замаар самолёдууд ниидэжэ эхилхэ. Шухалань гэхэдэ, биледэй сэн 5 мянганһаа байха,”- гэжэ Алексей Цыденов хэлэбэ.
Буряад Уласай Толгойлогшын уялга саг зуура дүүргэгшэ Алексей Цыденовай хэлэһээр Москва Улаан- Үдэ хоорондо ниидэхэ замда шэнэ “Боинг” самолёдуудые “Победа” авиакомпани худалдан абана.
“Победа” авиакомпанитай хөөрэлдэһэн тухайгаа хэлсээ баталхабди,”- гэжэ Алексей Цыденов хэлэбэ.
