677
Улаан-Үдын 57-дохи һургуулиин шабинар “Буряад нютагта айлшаар” гэһэн түсэлдэ хабаадаба.
Аяншалгын замаа Этнографическа музейһээ эхилһэн байна. Үхибүүд буряад комплексоор аяншалжа, урдаандаа буряадууд яажа ажаһуудаг байгааб гэжэ хараба.
Удаань, Асагад ошожо, Асагадай дасан, Агван Доржиевай гэр-музей, “Степной кочевник” гэһэн аяншалгын комплекс хараһан байна. Тэндэ үхибүүд буряад арадай ёһо заншалтай танилсажа, заншалта буряад эдеэнһээ ама хүрэжэ, шагай наадажа, ёохор хатаржа, мори тэргээр ябажа , сэнгүүтэйгээр үдэрөө үнгэргэбэ.
-“Буряад нютагта айлшаар” гэһэн түсэл “Степной кочевник” гэһэн аяншалгын копмлекстой хамта бэелүүлһэн түрүүшын түсэлнүүдэймнай нэгэн болоно. Үхибүүдтэ энэ хэмжээ ябуулга ехэ һайхашаагдаа. Ондоо аяншалгануудта эдэнэр хабаадахаяа бэлэн, - гэжэ Этнографическа музейн ажалшад хэлэбэ.
Үшөө тиихэдэ, Загарай аймагай хасагуудта, Тарбагатай аймагай шэмээшэгүүдтэ айлшалха гэһэн һонирхолтой түсэлнүүдые Этнографическа музей дурадхана.
Этнографическа музейн сайтһаа гэрэл зураг абтаба.
