702
Ябаган харгынуудые заһабарилан гэрэлтүүлхэ тухай Буряад Уласай Толгойлогшын уялга саг зуура дүүргэгшэ Алексей Цыденов хэлэбэ.
Апрелиин 10-да үнгэрһэн түсэблэлгын суглаан дээрэАлексей Цыденов Буряад Уласай Транспортын, элшэ хүсэнэй болон харгын ажахын яаманда эгээл олон гэмэлтэ ушарнууд болодог ябадаг харгынуудые заһабарилха, гэрэлтүүлхэ талаар асуудалнуудые шиидхэхэ даабари үгэбэ.
Мүнөөдэрэй байдалаар, Буряад Уласта 37ябаган харгынууд дээрэ хоёрһоо дээшэ харгын аюул болоһон газарнууд элирүүлэгдээ. 33 аюултай газарнууд хүүгэдэй һуралсалай эмхи зургаануудай хажууда гэжэ мэдээжэ болобо. Тэрэнэй 26-ниинь -Улаан-Үдэдэ. Үшөө тиихэдэ, Захаамин, Загарай, Хори, Ярууна, Тарбагатай, Ивалга аймагуудта болон Северебайкальск хотодо баһал аюултай харгынууд бүридхэлдэ абтаа.
- -Хоёрһоо дээшэ харгын аюул болоһон 37 харгынуудай 17-ниинь “Аюулгүй, һайн шанартай харгынууд” гэһэн федеральна программада оруулагдаха. Бэшэ харгынууд тухай программанууд бэлдэгдэжэ бэелүүлэгдэхэ болоно. Тэрэ тоодо аймагууд дотор. ,- гэжэ Буряад Уласай Толгойлогшын уялга саг зуура дүүргэгшэ Алексей Цыденов Транспортын яаманда даабари үгэбэ.
2017 ондо уласай болон Улаан-Үдын 16 ябаган харгынууд заһабарилагдаха түсэбтэй. 2015-2016 онуудта һургуулинууд шадарай 22 ябаган харгынууд заһабарилагдаһан байна.
Бүхыдөө Буряад Уласай болбосоролой эмхи зургаануудай хажууда 1104 ябаган харгынууд бии. Тэдэнэй 44-ниинь уласай харгынууд, 1060-ниинь нютагай, 86-ниинь Улаан-Үдэдэ оршодог гэжэ элирүүлэгдэбэ.
